राष्ट्रपति द्रौपदी मुर्मू पाणी री उपलब्धता अर हिफ़ाजत तैय करण सारू सगळा ऊँ मिल र काम करण बाबत् कह्यो है। वे मंगलवार ने नई दिल्ली मांय राष्ट्रीय जल पुरस्कार 2024 अर पहला जल संचय जन भागीदारी पुरस्कार देवण रे मौके बोल रही ही। वे कह्यो के आब-ओ-हवा मांय बदलाव जल चक्र माथे असर कर रह्यो है। राष्ट्रपति कह्यो के पाणी ने बुद्धिमानी सागे काम लेवणो घणो जरूरी है। कार्यक्रम मांय प्रदेश रा बाड़मेर, भीलवाड़ा, डूंगरपुर अर चित्तौड़गढ़ ज़िलां रो ई मान करी ज्यो। बाड़मेर री ज़िला कलेक्टर टीना डाबी ने राष्ट्रपति ओ मान दे र नवाजी। भीलवाड़ा रा ज़िला कलेक्टर जसमीत सिंह संधु ने ई राष्ट्रपति नवाज़ा।म्हाणा भीलवाड़ा खबरनवीस बतायो के जल संचय-जन भागीदारी अभियान रा तैत वठे ज़मीं हटे पाणी रा लेवल मांय चोखी बधोतरी व्ही है। डूंगरपुर रा ज़िला कलेक्टर अंकित कुमार सिंह ने ई ओ ईनाम दे र नवाजी ज्या। ज़िला ने पाणी भेळो करण रा 9 हजार 712 काम पूरा करण सारू 25 लाख रुप्या दिया ज्या। ईं हलका मांय चोखो काम करण सारू चित्तौड़गढ़ रा ज़िला कलेक्टर आलोक रंजन रो ई मान करी ज्यो। ध्यानजोग है के देश मांय पाणी बचावण रा काम मांय जनता री भागीदारी बधावण सारू लारला साल सरू करी ज्या जल संरक्षण जनभागीदारी अभियान रा तैत ज़मी हेटे पाणी रो लेवल बधावण सारू 35 लाख ऊँ बत्ती संरचनावां बणायी ज्यी है।