जल शक्ति मंत्री सी. आर. पाटिल जल जीवन मिशन रा तैत सेवावां री बेहतर उपलब्धता अर सामुदायिक भागीदारी बधावण सारू वर्चुअल तरीका ऊँ मंगलवार ने जल सेवा आकलन री सरूआत कीनी। जल शक्ति मंत्रालय रे मुजब जल सेवा आकलन, जल जीवन मिशन पोर्टल माथे ग्राम पंचायत री अगुवाई मांय पीवण रा पाणी रा सुबीता सारू डिजिटल आकलन सुविधा है। ग्राम पंचायतां रे जरिये ओ काम आवता साल 26 जनवरी तांई पूरो व्हेवण रा आसार है। केंद्रीय मंत्री गजेंद्र सिंह शेखावत कह्यो है के भारत अब हिफ़ाज़ती साज-ओ-सामान दिसावर ऊं मंगावण वाळो नहीं बल्कि दूजा देशां ने बेचण वाळा दुनिया रा अगाड़ी दस देशां मांय शामिल व्हे ग्यो है। वे मंगलवार ने जोधपुर मांय पूर्व सैनिक सेवा परिषद रा कार्यक्रम मांय बोल रह्या हा।