जयपुर रा सवाई मानसिंह स्टेडियम मांय 7 ऊं 12 जनवरी तांई राज्ययुवा महोत्सव रो आयोजन व्हेला। युवा मामला महकमा रा शासन सचिव डॉ. नीरज के. पवन तैयारियां री मीटिंग लेर काम बगतसर पूरो करण रा निर्देश दिया। ई महोत्सव मांय नौजवानां सारू करियर काउंसलिंग, रोजगार जानकारी, सांस्कृतिक कार्यक्रम अर स्टार्टअप होड़ा व्हेला। न्यारा-न्यारा महकमा री नुमाइश री मार्फत सरकारी योजनावां री जाणकारी ई दी जाएला। होड़ां मांय जीतण वाळां ने 50 हजार रिप्या तांई रा इनाम मिलेला। इण रे साथे ही चोखा काम करण वाळा नौजवानां ने एक लाख रिप्या रो ‘यूथ आइकॉन अवार्ड’ दियो जाएला।