जयपुर रा सवाईमानसिंह मेडिकल कॉलेज मांय रेजिडेंन्ट डॉक्टर बुधवार ने दूजा दिन ई हड़ताल माथे रह्या, हालांकि आपातकालीन सेवा चालू है। हड़ताल रे कारण अस्पताल मांय मरीजां री लम्बी लेणा निजर आयी अर केई ऑपरेशन टाळणा पड़्या। रेजिडेंट डॉक्टर हिफाजत रा पुख्ता बन्दोवस्त तैय करण री मांग करता थकां काम परा नी आ रह्या है। रेजीडेंट डॉक्टर प्रशासन ने आठ सूत्री मांग पानो सूंप्यो है। मांग पाना मांय हिफाजत रा पुख्ता इन्तजामात सागे ई स्टाइपेंड मांय 30 ऊं 35 फीसदी तांई री बधोतरी करण, स्पेसियलिटी चिकित्सा अधिकारी री सीधी भर्ती, अनिवार्य बॉन्ड री शर्त हटावण अर सीनियर रेजीडेंट डॉक्टरां री वेतन विसंगति दूर करण री मांग करी ज्यी है।