जयपुर रा राष्ट्रीय आयुर्वेद संस्थान मांय दीतवार ने पाण्डुलिपि लिप्यंत्रणा प्रशिक्षण कार्यशाला आयोजित करीजी। राष्ट्रीय पाण्डुलिपि मिशन कानी ऊं ज्ञान भारतम मुद्दा माथे व्ही ई 15 दिन री कार्यशाला मांय शास्त्रीय ग्रंथां ने बचावण रा बारा मांय चर्चा करीजी। केन्द्रीय संस्कृति मंत्री गजेन्द्र सिंह शेखावत दीतवार ने इण मांय शिरकत करी। ई मौके वणा कयो के भारत री सभ्यता संस्कृति अर बौद्धिक सम्पदा ई इण री असली ताकत है। श्री शेखावत कयो के आपा ने भारतीय शास्त्रीय ज्ञान री अणमोल धरोहर ने बचार आगली पीढ़ी तांई पूगावणी चाहिजे।