जयपुर रा राष्ट्रीय आयुर्वेद संस्थान मांय व्ह्या संयोजनम् 2024 रो दीतवार ने समापन व्हे ग्यो। कार्यक्रम मांय उपमुख्यमंत्री दिया कुमारी भेळी व्ही। संयोजनम 2024 रे तीजे दिन आयुर्वेद चिकित्सक, शिक्षक अर पढेसरां चरक संहिता रा श्लोकां रो भेळो पाठ करयो। ई आयोजन मांय देशभर रा अढाई हजार ऊं बत्ती आयुर्वेद ऊं जुड्या शिक्षक, पढेसर अर शोध करणियां भेळा व्ह्या। समापन जळसा मांय बोलता उपमुख्यमंत्री दिया कुमारी राजस्थान मांय अंतर्राष्ट्रीय थर रो आयुर्वेद सेंटर खोलण रो ऐलाण करयो। वणा कयो के इण ने खोलण सारू तैयारी करी जावे। उपमुख्यमंत्री दिया कुमारी जळसा मांय आयुर्वेद रा हलका मांय ठावा काम करण वाळा देश रा न्यारा न्यारा राज्यां रा आयुर्वेद विद्वानां, चिकित्सकां रो सन्मान ई करयो।