जयपुर रा जवाहर कला केन्द्र मांय गुरूवार ने सरस राजसखी राष्ट्रीय मेळो सरु व्ह्यो। मुख्यमंत्री भजनलाल शर्मा इण रो उद्घाटन कीनो। ईं मौके वे कह्यो के स्वयं सहायता समूहां रे मार्फत महिलावां मजबूत बण रही है। मुख्यमंत्री कह्यो के सरस मेळो ईं बात रो सबूत है के सही नीति, मजबूत संस्थागत ढांचा सागे लागू करी जावे है तो गांवां री महिलावां री जिन्दगी मांय हमेशा सारू बदलाव आवे है। वे देश-प्रदेश रा महिला स्वयं सहायता समूहां कानी ऊँ लगायी ज्यी न्यारी-न्यारी स्टॉल्स देखी अर महिलावां रा हुनर री सराहवणा कीनी। मुख्यमंत्री लखपति दीदी अर स्वयं सहायता समूहां री महिलावां ऊँ बातचीत ई कीनी। 4 जनवरी, 2026 तांई चालण वाळा सरस राजसखी राष्ट्रीय मेळा मांय देश रा गांवाई हलका रा रीति रिवाज़, शिल्प कौशल अर कला रो दरसाव कर्यो जा रह्यो है। मेळा मांय राजस्थान समेत 24 राज्यां री करीब 300 स्टॉल्स लगायी ज्यी है। आं मांय देश रा न्यारा-न्यारा हलकां रा गांवां री परंपरा, लोक कला, लोक शिल्प, पहराव अर हाथ ऊँ बण्या सामान री बिक्री करी जा रही है।