जयपुर रा जवाहर कला केन्द्र मांय मंगलवार ने लोकरंग महोत्सव सरू व्ह्यो। 17 अक्टूबर तांई चालण वाळा ईं महोत्सव मांय महाराष्ट्र, पंजाब, उत्तरप्रदेश, मध्यप्रदेश, असम, त्रिपुरा, उत्तराखण्ड अर हिमाचल प्रदेश समेत न्यारा-न्यारा प्रदेशां रा अढाई हजार ऊं बत्ता लोक कलाकर कार्यक्रम पेश करेला। ईं मौके राष्ट्रीय हस्तशिल्प मेळो ई लगायी ज्यो है। बाड़मेर मांय ई काल थार महोत्सव सरू व्हेला। ‘‘रंग रेगिस्तान के’’ मुद्दा माथे राख्या जावण वाळा ईं महोत्सव मांय भांत-भांत रा सांस्कृतिक कार्यक्रम पेश कर्या जावेला। जिला कलेक्टर टीना डाबी आज ईं महोत्सव रा पोस्टर रो विमोचन कीनो। वे पीळा चावल बांट र जनता ने महोत्सव मांय शामिल व्हेवण रो न्यौतो दीनो। म्हाणा खबरनवीस बतायो के महोत्सव सारू जिला प्रशासन ज़ोरदार तैयारियां कीनी है।