जयपुर रा जवाहर कला केन्द्र मांय काल 27वों लोकरंग महोत्सव सरू व्हेला। 28 अक्टूबर तांई चालण वाळा ईं महोत्सव रा तैत राष्ट्रीय लोक नृत्य समारोह राख्यो जावेला अर राष्ट्रीय हस्तशिल्प मेळो लगायो जावेला। इण मांय 24 राज्यां रा करीब 4 हजार कलाकार सिरकत करेला। शिल्पग्राम मांय संवारे 11 ऊं रात 10 बज्यां तांई चालण वाळा राष्ट्रीय हस्तशिल्प मेळा मांय ग्रामीण गैर कृषि विकास अभिकरण (रूडा) री मदद ऊं नामी दस्तकारां रा हाथ री कारीगरी ऊं बणायी ज्या 100 ऊं बत्ती भांत रा सामान री स्टॉल्स लगायी जावेला।