जयपुर रा जवाहर कला केन्द्र मांय शुक्रवार ने स्वयंसिद्धा हस्तशिल्प प्रदर्शनी-2024 सरू व्ही। उपमुख्यमंत्री दिया कुमारी इण रो उद्घाटन कीनो। ईं मौके वे कह्यो के सरकार महिलावां ने आगे बधावण, माली तौर ऊं मजबूत बणावण अर खुद रे पाण ऊबी करण सारू लगातार काम कर रही है। उपमुख्यमंत्री प्रदर्शनी मांय महिलावां कानी ऊं बणायी ज्या रोजीना काम आवण वाळा घरेलू सामान, सजावट रा सामान अर दूजा कलात्मक सामान ने देख्या अर महिला करीगरां री सराहवणा कीनी। 06 अक्टूबर तांई चालण वाळी ई प्रदर्शनी मांय 6 राज्यां रा नामी कारीगरां कानी ऊं, कुटीर उद्योग अर महिलावां कानी ऊं चलाया जा रह्या उद्योगा मांय बण्या सामान रो दरसाव कर्यो जा रह्यो है। प्रदर्शनी मांय जयपुर री केंद्रीय महिला इकाई री ओर ऊं 85 स्टॉल लगायी ज्यी है।