जयपुर रा जवाहर कला केंद्र मांय गुरूवार ने जयपुर टाइगर फेस्टिवल सरू व्हेला। 14 दिसंबर तांई चालण वाळा ईं फेस्टिवल रो राज्यपाल हरिभाऊ बागड़े उद्घाटन करेला। फेस्टिवल मांय संवारे 10 ऊँ रात 9 बज्यां तांई फोटो-स्केच प्रदर्शनी, वर्चुअल शो, कहानियां सुनावण, पंचतंत्र कथावां, साहित्यिक संवाद, सांस्कृतिक प्रस्तुतियां अर ओपन स्टेज समेत केई खास सत्र राख्या जावेला। ईं सागे ई बाघां ने बचावण, एथिकल सफारी, कुदरत ऊँ प्रेम करण अर ज़िम्मेदार सैर-सपाटा सरीखा खास मुद्दां माथे चर्चा करी जावेला। ईं सागे ई जंगली जिनावरां ने बचावण रा हलका मांय खास काम करण वाळी हस्तियां रो ई मान कर्यो जावेला।