जयपुर रा जगतपुरा महल रोड़ माथे दीतवार ने सेना परेड़ री फुल ड्रेस रिहर्सल रे दूजा दिन भारतीय सेना री थल, नभ अर तकनीकी ताकत रो भव्य प्रदर्शन कर्यो गयो। इण दौरान सेना री वर्दी मांय कदम ताल करता थकां जोश सूं भर्या जवान अर आसमान मांय मंडराता लडाकू विमान अर हैलीकॉप्टर रे सागे टैंक अर मिसाईलां दर्शकां खातर खास आकर्षण रो केन्द्र रिया। रिहर्सल रे दौरान सेना जवान मोटरसाईकिल माथे हैरतअंगेज करतब दिखाया। ध्यानजोग है के 15 जनवरी ने होबा वाळी 78 वी सेना दिवस परेड सूं पैली या रिहर्सल परेड राख्यी गयी है। इण बीच भवानी निकेतन कॉलेज ग्राउण्ड मांय चाल रिया नो योर आर्मी प्रदर्शनी देखबा उपमुख्यमंत्री दिया कुमारी भी पूगी। मीडिया ने सम्बोधित करता थकां वणा सेना रो आभार जतायो।