पर्यटन महकमा री ओर ऊं जयपुर मांय 14 जनवरी ने काइट फेस्टिवल राख्यो जावेला। पर्यटन आयुक्त रूकमणी रियाड़ रे मुजब इण मौके मुख्यमंत्री भजनलाल शर्मा अर उपमुख्यमंत्री दिया कुमारी मौजूद रेहवेला। ओ फेस्टिवल जलमहल री पाळ माथे व्हेला। इण रे तैत लोक कलाकारां कानी ऊं सांस्कृतिक प्रस्तुतियां, पतंगां री प्रदर्शनी, पतंग बणाबा रो लाइव प्रदर्शन अर फैंसी पतंग उड़ाबा रो खास तरीको दिखायो जावेला। सिंज्या साढे 6 बज्यां रे पछे कार्यक्रम रा दूजा फेर मांय लालटेन उड़ाबा रो प्रदर्शन वेला। इण रे पाछे हवामहल री ऐतिहासिक पृष्ठभूमि मांय भव्य आतिशबाज़ी करी जावेला।