प्रदेश मांय पहली दफा व्हेवण वाळी सेना परेड रा सिलसिला मांय गुरूवार ने जयपुर मांय फौज ने जाणबा री नो यॉर आर्मी प्रदर्शनी सरू व्ही। मुख्यमंत्री भजन लाल शर्मा इण रो उद्घाटन कीनो। ईं मौके वे प्रदेश मांय 43 स्कूलां रा नाम शहीदां रा नाम परां राखण रो ऐलाण कीनो। श्री शर्मा कह्यो के राज्य सरकार दूजा विश्व युद्ध मांय भाग ले चुक्या वां फौजियां, ज्यां ने पेंशन नी मिल रही ही अर फौजियां री वीरांगनावां ने मिलण वाळी पेंशन री रकम दस हजार ऊं बधा र 15 हजार रूप्या कर दीनी है। ईं प्रदर्शनी मांय फौज रा टैंक, ड्रोन अर नुवा हथियारां रो दरसाव कर्यो जा रह्यो है। प्रदर्शनी रे दौरान मोट्यारां ने फौज मांय नौकरी रा बारा मांय विगतवार जाणकारी दी जा रही है।