दिसम्बर मांय व्हेवण वाळी राइजिंग राजस्थान इनवेस्टमेंट समिट ऊं पैली बुधवार ने जयपुर मांय राख्यी ज्यी एनर्जी प्री-समिट मांय ऊर्जा हलका रा निवेशकां सागे साढे छह लाख करोड़ रुप्या ऊं बत्ती रकम रा करार करी ज्या। मुख्यमंत्री भजनलाल शर्मा री मौजूदगी मांय करी ज्या आं करार रे जरिये सौर, पवन, हरित हाइड्रोजन, हाइब्रिड, पंप स्टोरेज, बैटरी स्टोरेज अर हरित अमोनिया री परियोजनावां समेत अक्षय ऊर्जा अर बिजली बणावण री न्यारी-न्यारी परियोजनावां माथे काम करण रो प्रस्ताव है। ईं मौके मुख्यमंत्री कह्यो के आं निवेश प्रस्तावां ऊं राज्य मांय नौकरी-धंधा रा करीब 70 हजार मौका बणेला। मुख्यमंत्री निवेशकां ऊं प्रदेश ने बिजली रा हलका मांय खुद रे पांण ऊबो करण री अपील कीनी। वे कह्यो के सरकार बेगी ई इंटीग्रेटेड क्लीन एनर्जी पॉलिसी 2024 लावेला।