जयपुर ज्वेलर्स एसोसिएशन रो शो-जस-2025 शुक्रवार ने जयपुर मांय सरू व्ह्यो। उपमुख्यमंत्री दिया कुमारी तीन दिन चालण वाळा ईं शो रो उद्घान कीनो। ईं मौके उपमुख्यमंत्री कह्यो के जयपुर रो रत्नां रो कारोबार दुनिया रा लेवल रो मंच बण ग्यो है जो मोटी तादाद मांय लोगां ने नौकरी धंधा रा मौका मुहैया कर रह्यो है। दिया कुमारी कह्यो के रत्न अर गहणा रो कारोबार राजस्थान री विरासत अर कलात्मकता री निशाणी है। वे कह्यो के ओ माली व्यवस्था रो मजबूत खम्भो ई है। उपमुख्यमंत्री कह्यो के ईं आयोजन ऊं प्रदेश रा नौजवानां, रत्न कारोबारियां अर कुशल कारीगरां ने नुवा मौका मिलेला। शो मांय देशभर ऊं आया रत्न कारोबारियां कानी ऊं लगायी ज्या तीन सौ ऊं बत्ता बूथां माथे रत्न अर गहणा रो दरसाव करी ज्यो है।