जयपुर कने रामगढ़ बंधा मांय पाणी पूगावण सारू शुक्रवार ने बंधा री मरम्मत अर वां ने और रूपाळो बणावण रो काम सरू करी ज्यो। जल संसाधन मंत्री सुरेश सिंह रावत अर जयपुर ग्रामीण सीट ऊं सांसद राव राजेन्द्र सिंह बंधा री पाल माथे मरम्मत रा काम री नींव रखी। इंर् रा तैत पाल माथे बणी दो किलोमीटर लम्बी सड़क ने करीब अढ़ाई करोड़ रूप्या रा खर्च ऊं ठीक करायी जावेला। ई सागे ई कन्ट्रोल रूम भवन री मरम्मत अर डूब हलका अर छतरी ने और बेहतर बणावण रा काम कराया जावेला। ईं मौके श्री रावत कह्यो के राम जल सेतु लिंक परियोजना रा तैत रामगढ़ बंधा ने ईसरदा बंधा ऊं जोड़ी ज्यो है। वे कह्यो के आं कामां ऊं किसानां, पशुपालकां अर गांव वाळां ने पाणी री परेशानी ऊं निजात मिलेला।