जन स्वास्थ्य अभियांत्रिकी मंत्री कन्हैया लाल कह्यो है के राज्य सरकार हर गांव अर ढ़ाणी तांई पीवण रो पाणी पूगावण माथे खास ध्यान दे रही है। वे विधानसभा मांय वां रा महकमा री अनुदान मांगां माथे व्ही बहस रो जवाब देता थकां आ जाणकारी दीनी। जन स्वास्थ्य अभियांत्रिकी मंत्री कह्यो के राजस्थान वाटर सप्लाई अर सीवरेज कानून 2025 रो मजमून तैयार कर लियो ज्यो है। इण मांय पाणी रो बेजा इस्तेमाल करण वाळां अर गैर कानूनी कनेक्शन लेवण वाळां रे खिलाफ करड़ी कार्रवाई करण रा प्रावधान राख्यी ज्या है। चर्चा पाछे सदन मांय विभाग री 118 अरब 66 करोड़ रुप्या ऊं बत्ती रकम री अनुदान मांगां ध्वनिमत ऊं पास कर दीरीजी। जलदाय मंत्री सदन मांय गृह राज्य मंत्री जवाहर सिंह बेढ़म बतायो के राज्य मांय नशीली चीजां री गैर कानूनी बिक्री अर तस्करी रोकण सारू चुणी ज्या ज़िलां मांय खास पुलिस टीमां बणायी ज्यी है।