जन्माष्टमी रा दूजे दिन दीतवार ने प्रदेशभर मांय नंदोत्सव री धूम री। कृष्ण मंदिरां मांय भगवान रा जन्म री झांकियां सजाई ज्यी अर न्यौछावर उछाळी। इण मौके माथे खास श्रृंगार कर्यो गयो अर पंचामृत प्रसादी बांटी। बृज सूं लागता भरतपुर अर डीग जिला मांय आधी रात भगवान रे जन्म रे पाछे सूं ही उच्छास रो माहौल बण्यो रह्यो। श्रद्धालु ठाकुर जी रे प्रति आस्था ने प्रकट करता व्ह्या छैल लुटाई अर दान पुण्य कर्या। जयपुर रा गोविंददेवजी, कोटा रा मथुरादास मंदिर, करौली रा मदन मोहन जी अर सगळा मन्दिरां मांय दिनभर नंद रे आनंद भयो, जय कन्हैया लाल के जयकारां सूं माहौल गुंजायमान रह्यो। नाथद्वारा स्थापित श्रीनाथ जी मिन्दर मांय मनाया गया नंदोत्सव मांय घणी तादाद मांय देश रे कोणे कोणे सूं पहुंच्या श्रद्धालु दूध, दही अर केसर रो छिड़काव कर परम्परागत होळी खेली। इण बीच, जयपुर मांय आज कृष्ण जन्मोत्सव रे दूजे दिन पारम्परिक शोभा यात्रा निकाळी जा री है। मुख्यमंत्री भजनलाल शर्मा शोभा जातरा ने आरती कर र रवाना कर्यो।