जग प्रसिद्ध अंतर्राष्ट्रीय पुष्कर मेळो औपचारिक तौर ऊँ गुरूवार ने सरू व्ह्यो। इण रा उद्घाटन जळसा मांय उपमुख्यमंत्री दिया कुमारी कह्यो के पुष्कर कॉरिडोर री विगतवार परियोजना रपट-डीपीआर बण ग्यी है अर बेगो ई इण रो काम सरू कर्यो जावेला। पारंपरिक रिवाज़ अर नगाड़ां री गूंज सागे सरू व्ह्या पुष्कर मेळा ने दिया कुमारी संस्कृति अर आस्था री निशाणी बतायो। 5 नवंबर तांई चालण वाळो ओ मेळो राजस्थान री लोक कला, संगीत अर रीति-रिवाज़ ने जणातो थको उत्सव है जिण मांय मोटी तादाद मांय सैलाणी शामिल व्हे रह्या है।