चिकित्सा मंत्री गजेन्द्र सिंह खींवसर मंगलवार ने जयपुर ऊं राज्य स्तर रा स्टॉप डायरिया अभियान री सरूआत कीनी। ईं मौके वे कह्यो के पांच साल उम्र ऊं छोटा बच्चां मांय दस्त अर वां रे कारण व्हेवण वाळी परेशानियां केई दफा जानलेवा बण जावे है। वे बतायो के 15 अगस्त तांई चालण वाळा ईं अभियान रे दौरान ‘‘डायरिया की रोकथाम, सफाई और ओआरएस से रखें अपना ध्यान’’ मुद्दा माथे न्यारा-न्यारा महकमां रा तालमेल ऊं भांत-भांत रा काम कर्या जावेला। अभियान रा तैत आशा सहयोगिनियां री मदद ऊं घर-घर जा र बच्चां ने ओआरएस रा पुड़का अर ज़िंक री गोळयां दी जावेला।