गृह मंत्री अमित शाह कया के राष्ट्रीय गीत वंदे मातरम देशभक्ति, बलिदान अर राष्ट्रीय चेतना रो प्रतीक है, जो कि स्वतंत्रता आंदोलन रो रास्तो दिखायो। आज राज्यसभा मांय वंदे मातरम री 150वीं वर्षगांठ माथे चर्चा री सरूआत करता थकां श्री शाह कया के आ अमर कृति भारत माता री कानी कर्तव्य अर समर्पण रा भाव जगावे है।
श्री शाह कया के वंदे मातरम रे जरिये बंकिमचंद्र चट्टोपाध्याय देश ने माता रा रूप मांय पूजबा री परंपरा अर सांस्कृतिक राष्ट्रवाद री थापना करी। गृह मंत्री कया के दोन्यू सदनां मांय वंदे मातरम् माथे चर्चा सूं आवती पीढ़ियां ने इण ने समझबा मांय इमदाद मिलेला।
चर्चा मांय भाग लेता थकां राज्यसभा मांय विपख रा नेता मल्लिकार्जुन खड़गे कया के कांग्रेस स्वतंत्रता संग्राम रे दौरान वंदे मातरम रो नारा बणायो हो। श्री खड़गे कया के वंदे मातरम गीत भारत रा सार्वजनिक जीवन मांय जद आयो जद गुरुदेव रवींद्रनाथ टैगोर 1896 मांय कलकत्ता मांय कांग्रेस अधिवेशन मांय इण ने पहली बगत गायो हो।