गृहमंत्री अमित शाह विपख माथे एसआईआर रा बारा मांय भ्रम फैलावण रो आरोप माण्ड्यो है। वे बुधवार ने लोकसभा मांय चुनाव सुधारां रा बारा मांय चर्चा रो जवाब दे रह्या हा। श्री शाह कह्यो के म्हाणो संविधान चुनाव आयोग ने वोटर लिस्टां बणावण रो हक देवे है अर एसआईआर मतदाता सूची मांय सुधार री प्रक्रिया है। गृहमंत्री विपख, खास तौर ऊँ कांग्रेस माथे एसआईआर रा काम मांय मदद नी करण रो आरोप माण्ड्यो। इण ऊँ पैली चर्चा मांय कांग्रेस रा नेता के.सी. वेणुगोपाल कह्यो के वोट देवण रो हक लोकतंत्र रो बुनियादी सिद्धांत है। वे निर्वाचन आयोग माथे दुभांत रो आरोप मांड्यो। वे बिहार मांय वोटर लिस्टां ऊँ मोटी तादाद मांय नाम हटावण रो मुद्दो ई उठायो। दूजी कानी भारतीय जनता पार्टी रा नेता रवि शंकर प्रसाद विपख माथे हार री सूरत मांय चुनावी प्रक्रिया माथे सवाल उठावण रो आरोप माण्ड्यो। तृणमूल कांग्रेस री शताब्दी रॉय लोगां ने परेशान करण सारू एसआईआर करावण रो आरोप माण्ड्यो।