गुजरात रा सूरत मांय बुधवार ने ‘प्रवासी राजस्थानी मीट’ राख्यी जावेला। ईं रा तैत मुख्यमंत्री भजनलाल शर्मा वठे रा खास कारोबारियां अर कारोबार जगत् रा नुमाइंदां ने प्रदेश मांय निवेश करण अर राज्य रा सामाजिक-आर्थिक विकास मांय योगदान देवण सारू न्योतो देवेला। ओ आयोजन ईं साल 10 दिसम्बर ने जयपुर मांय व्हेवण वाळा ’प्रवासी राजस्थानी दिवस’ कार्यक्रम मांय बत्ता ऊं बत्ता लोगां री भागीदारी तैय करण रा मकसद ऊं कर्यो जा रह्यो है। प्रवासी सम्मेलन पाछे मुख्यमंत्री भजन लाल शर्मा री अगुवाई मांय राज्य सरकार रा नुमाइंदां रो दल सूरत मांय दवाइयां, कपड़ा, सिरेमिक्स अर पेट्रोकेमिकल्स सरीखा हलकां रा खास अहलकारां ऊं मुलाकात करेला।