केन्द्र सरकार साल 2027 मांय जनगणना री प्रक्रिया सरू करण रो फैसलो कर्यो है। इण रे साथै ई जातिगत गणना ई करी जायेला। 1 मार्च 2027 ऊं आ प्रक्रिया दो चरणां मांय व्हेला। केंद्रीय गृह मंत्रालय बयान मांय कह्यो है के लद्दाख अर जम्मू-कश्मीर, हिमाचल प्रदेश अर उत्तराखंड रा के बर्फीलां हलका सारू 1 अक्टूबर, 2026 ऊं जनगणना सरू व्हेला। जनगणना करावण री अधिसूचना ई म्हीना री 16 तारीख ने गजट मांय छपण री आस है। लारली जनगणना साल 2011 दो चरणा मांय करी ज्यी ही।