केन्द्रीय सामाजिक न्याय अर अधिकारिता मंत्री रामदास अठावले कह्यो है के केन्द्र री मौजूदा एनडीए सरकार एकता अर समानता सागे देश रा हर एक जणा ने न्याय देवण री कोशिश कर रही है। वे बुधवार ने जयपुर मांय खबरनवीसां सागे बातचीत कर रह्या हा। केन्द्रीय मंत्री कह्यो के सरकार वंचित अर कमज़ोर तबका रा बच्चां री भणाई-लिखाई माथे खास ध्यान दे रही है। वे मुम्बई मांय भाषा रा नाम परां चाल रह्या झगड़ा री खिलाफ़त करता थकां कह्यो के भाषा रा नाम माथे सियासत नी व्हेवणी चाहिजे। श्री अठावले कह्यो के संविधान लोकतंत्र री सब ऊं मोटी ताकत है। वे कांग्रेस माथे संविधान रा नाम ऊं झूठी राजनीति करण रो आरोप माण्ड्यो। केन्द्रीय मंत्री कह्यो के कांग्रेस संविधान बता र समाज मांय फूट डालबा री कोशिश कर रही है।