केंद्रीय सांख्यिकी मंत्री राव इन्द्रजीत सिंह कह्यो है रियल टाईम डेटा निगरानी अर जिओ टैगिंग सरीखा डिजिटल साधनां ऊँ सर्वे रो काम व्यवस्थित व्ह्यो है। श्री सिंह मंगलवार ने उदयपुर मांय राष्ट्रीय प्रतिदर्श सर्वेक्षण-एनएसएस री 75वीं वर्षगांठ रा समापन समारोह मांय बोल रह्या हा। वे कह्यो के इण ऊँ डेटा री सटीकता मांय सुधार व्ह्यो है। कार्यक्रम रा पैनल डिस्कशन सत्र मांय सरपंच, राजस्व विभाग रा गिरदावर अर स्थानीय कारोबारी शामिल व्ह्या। वे आप-आप रा हलका मांय सांख्यिकीय आंकड़ां रा उपयोग अर सर्वे रा महत्त्व सागे न्यारा-न्यारा मुद्दां माथे अनुभव बताया।