केंद्रीय गृह अर सहकारिता मंत्री अमित शाह अंतर्राष्ट्रीय सहकारिता वर्ष रे मौके गुजरात, मध्यप्रदेश अर राजस्थान री सहकारी समितियां ऊं जुड़ी महिलावां अर दूजा कार्यकर्तावां सागे बातचीत कीनी। ईं दौरान श्री शाह बतायो के गुजरात अर राजस्थान सरकार मिल र देश भर रा ऊँट राखण वाळां ऊं दूध भेळो करण अर वां रा औषधीय गुणां रे जरिये बत्तो मोल हासिल करण री योजना बणा रही है। सहकारिता मंत्री बतायो के आयुर्वेदिक दवाइयां बणावण वाळी चार कंपनियाँ ऊँटनी रो दूध बीमारियां रा ईलाज मांय काम लेवण ऊं जुड़्या गुणां री जांच कर रही है। श्री शाह कह्यो के सहकारिता मंत्री रा तौर ऊं वां ने किसाना, गरीबां अर ढांढा-ढोरां सारू काम करण रो मौको मिल्यो है।