केन्द्र सरकार री अरावली हलका मांय शहर बसावण री कोई योजना नी है अर सरकार अरावली री पहाड़ियां ने बचावण माथे खास ध्यान दे रही है। पर्यावरण, वन अर जलवायु परिवर्तन मंत्री भूपेंद्र यादव नई दिल्ली मांय एक समाचार एजेंसी सागे बातचीत रे दौरान आ जाणकारी दीनी। श्री यादव कह्यो के फुलेरा, अजमेर, उदयपुर अर बूंदी समेत केई ठौड़ां अरावली री पहाड़ियां मांय बस्योड़ा है अर सुप्रीम कोर्ट अरावली रा संरक्षित हलकां ने परिभाषित कीनो है। केन्द्रीय मंत्री कह्यो के करीब 90 फीसदी हलका मांय खुदाई नी करी जा सके है। वे कह्यो के अरावली रा शून्य दशमलव एक-नौ फीसदी ऊं बत्ता हलका मांय नुवी खुदाई री मंजूरी नी है।