केन्द्रीय युवा कार्यक्रम अर खेल मंत्री डॉ. मनसुख मांडविया नौजवानां ऊं नशा मुक्त, मज़बूत अर संस्कारी बणबा री अपील कीनी है। वे थावर ने वाराणसी मांय राख्यी ज्या युवा आध्यात्मिक शिखर सम्मेलन रा उद्घाटन सत्र मांय बोल रह्या हा। श्री मांडविया कह्यो के विकसित भारत रो सपनो सांचो करण सारू नशा ऊं दूर रेहवणो व्हेला। कार्यक्रम मांय मौजूद केन्द्रीय सामाजिक न्याय अर अधिकारिता मंत्री डॉ. विरेन्द्र कुमार कह्यो के नशो सामाजिक चुनौती बणतो जा रह्यो है। वे कह्यो के नौजवान देश रो भविष्य है, ज्यां ने खुद री ताकत पिछाण र वां रो सही तरीका ऊं इस्तेमाल करणो चाहिजे। युवा कार्यक्रम अर खेल मंत्रालय री ओर ऊं विकसित भारत के लिए नशा मुक्त युवा मुद्दा माथे दो दिन रो शिखर सम्मेलन राख्यो जा रह्यो है।