केंद्रीय बजट 2026-27 आवता म्हीना री पहली तारीख, रविवार ने लोकसभा मांय पेश कर्यो जावेला। संसद रो बजट सत्र इण महीना री 28 तारीख सूं सरू व्हे र 2 अप्रैल तांई चालेला। लोकसभा अध्यक्ष ओम बिरला सोमवार ने नुवी दिल्ली मांय खबरनवीसां रा सम्मेलन मांय एक सवाल रा जवाब मांय बतायो के सदन मांय बजट पेश करबा री प्रक्रिया पहली फरवरी ने संवारे 11 बज्यां सरू व्हेला। बजट सत्र रो पहलो दौर 28 जनवरी सूं सरू व्हे र 13 फरवरी तांई चालेला। सत्र रो दूजो फेर 9 मार्च सूं 2 अप्रैल तांई व्हेला।