केन्द्रीय पर्यावरण, वन अर जलवायु परिवर्तन मंत्री भूपेंद्र यादव कह्यो है के कुछ लोग अरावली री डूंगरियां रा बारा मांय सुप्रीम कोर्ट रा फैसला ऊं जुड़ी गलत जाणकारियां फैला रह्या है। आकाशवाणी सागे बातचीत करता थकां श्री यादव जनता ऊं भ्रम मांय नी रेहवण बाबत् कह्यो। वे कह्यो के अदालत रा फैसला री गलत व्याख्या कर र इण ने सियासी हथियार रा तौर ऊं इस्तेमाल कर्यो जा रह्यो है। वे साफ कीनो के सुप्रीम कोर्ट रो फैसलो अरावली हलका मांय गैर-कानूनी खुदाई माथे रोक लगावण रो है। केन्द्रीय मंत्री अरावली ग्रीन वॉल पहल रा बारा मांय कह्यो के इण रा तैत हलका री बंजर जमीं मांय मोटी तादाद मांय पौधा रोप्या जा रह्या है।