केन्द्रीय गृहमंत्री अमित शाह रो सोमवार ने प्रस्तावित जयपुर दौरे ने ले र व्यापक तैयारियां करी जा रही है। केन्द्रीय मंत्री नुवां आपराधिक कानूनां रे क्रियान्वयन रे एक बरस पूरा होणे रे उपलक्ष्य मांय राख्यी ज्या जळसा मांय भाग लेवण आ रिया है। आ प्रदर्शनी 18 अक्टूबर तांई चालेली। इण मांय नुवा आपराधिक कानूनां रे एक बरस रे सकारात्मक बदलाव ने दरसायो जावेला। दीतवार ने मुख्यमंत्री भजन लाल शर्मा कार्यक्रम स्थल सीतापुरा थापित जे.ई.सी.सी. रो दौरो कर र तैयारियां रो जायजो लियो अर जरूरी दिशा-निर्देश दिया। इण रे चालता मुख्य सचिव सुधांश पंत और पुलिस महानिदेशक राजीव शर्मा भी मौजूद रिया। मीडिया सूं बातचीत मांय पुलिस महानिदेशक लोगां सूं बत्ती ऊँ बत्ती तादाद मांय इण प्रदर्शनी ने देखणे री अरज करी। इण रे चालता श्री शाह रो 4 लाख करोड़ रिप्यां रे निवेश प्रस्तावां री ग्राउंड ब्रेकिंग अर 8 हजार करोड़ रिप्यां रे विकास कामां रो शिलान्यास अर लोकार्पण कर्यो जावेला। वठिने बतायो के जळसे मांय ‘विकसित राजस्थान-2047’ कार्ययोजना रो विमोचन अर 150 यूनिट मुफ्त बिजली योजना रे तैत रजिस्ट्रेशन रो शुभारंभ कर्यो जावेला।