केन्द्रीय कृषि अर किसान कल्याण मंत्री शिवराज सिंह चौहान कीड़ा मारण री नकली दवाइयां, नकली खाद अर बीज बणावण वाळी कम्पनियां रे खिलाफ करड़ी कार्रवाई रा हुकम दीना है। श्री चौहान मध्यप्रदेश रा छीरखेड़ा गांव मांय कीड़ा मारण री नकली दवाइयां अर नकली खाद रे कारण सोयाबीन री साखां रा खराबा रो जायज़ो लियां पाछे बोल रह्या हा। वे किसानां सागे बातचीत ई कीनी। कृषि मंत्री कह्यो के नकली खाद-बीज रे कारण काश्तकारां री साखां मांय खराबो व्हेवण ने गंभीरता ऊं लियो जावेला।