केंद्र सरकार प्रदेश मांय पाणी भेळो करण सारू ’टांकां री योजना’ ने ओजू मंजूरी दे र रकम जारी करण रा हुकम दीना है। मुख्यमंत्री भजनलाल शर्मा सोमवार ने नई दिल्ली मांय केंद्रीय कृषि मंत्री शिवराज सिंह चौहान सागे मुलाकात पाछे आ जाणकारी दीनी। बातचीत रे दौरान केन्द्रीय कृषि मंत्री शिवराज सिंह चौहान कह्यो के ईं सारू केंद्र सरकार राज्य ने हर संभव मदद देवेला। ईं सागे ई सूक्ष्म सिंचाई योजना रा तैत मदद री रकम ई 20 ऊँ बधा र 40 फीसदी कर दीरीजी है। इण ऊँ पैली मुख्यमंत्री भजनलाल शर्मा सोमवार ने प्रधानमंत्री नरेंद्र मोदी ऊँ ई मुलाकात कीनी।