केंद्रीय सूक्ष्म, लघु अर मध्यम उद्यम राज्य मंत्री शोभा करंदलाजे कह्या के बरस 2047 तांई भारत ने विकसित राष्ट्र बणावा मांय एम.एस.एम.ई. हलका री भूमिका घणी महताऊ व्हेला। मंगलवार ने जयपुर रा उद्योग भवन मांय ’प्रधानमंत्री विश्वकर्मा योजना’ री समीक्षा करता थकां वणा कह्या के खेती रे पाछे ओ हलको देश मांय रूजगार मुहैया कराबो रो सब ऊँ बड़ो जरियो है। श्रीमती करंदलाजे अहलकारां ने केंद्र सरकार री योजनावां असरदार तरीका ऊँ लागू करबा रा निर्देश दिया। मीडिया सूं बातचीत मांय बणा कह्या के केंद्र अर राज्य सरकारां मिल र छोटे उद्योगां ने बढ़ावो दे री है, जिण सूं बत्ता ऊँ बत्ता मोटयारां ने रूजगार मिल सके। केंद्रीय राज्य मंत्री काल जयपुर मांय नुवा श्रम कानूनां री भी समीक्षा करेला।