केंद्रीय संस्कृति अर पर्यटन मंत्री गजेन्द्र सिंह शेखावत कह्यो है के सैर-सपाटो न केवल नौकरी-धंधा अर माली व्यवस्था ने मज़बूत बणावे है बल्कि भारत री सांस्कृतिक छवि ने दुनिया तांई पूगावे है। वे मंगलवार ने उदयपुर मांय सरू व्ही दो दिन री नेशनल टूरिज्म कॉन्फ्रेंस रा उद्घाटन सत्र मांय बोल रह्या हा। श्री शेखावत कह्यो के ओ सम्मेलन विचारां ने एक-दूजा ने बतावण रो बेहतरीन मौको है, जिण ऊं राज्यां ने नवाचारी पर्यटन मॉडल सीखण मांय मदद मिलेला। कॉन्फ्रेंस मांय चौबीस ऊं बत्ता राज्यां रा पर्यटन मंत्री अर आला अहलकार शामिल व्हे रह्या है।