केंद्रीय संस्कृति अर पर्यटन मंत्री गजेंद्र सिंह शेखावत वन नेशन-वन इलेक्शन ने देश खातर जरूरी बतायो। दीतवार ने जोधपुर मांय श्री शेखावत खबरनवीसां सूं बातचीत करता थकां वन नेशन-वन इलेक्शन माथे विपख रा विरोध ने ले र कह्या के हाल तांई कोई भी इण बाबत् तीखी प्रतिक्रिया नी दी है। हाल यो प्रस्ताव कैबिनेट पारित करी है।लोकसभा माय आबा माथे इण माथे चर्चा व्हेला। महिलावां रा सशक्तीकरण बाबत् शेखावत कह्या के महिलावां री सुरक्षा री सुरक्षा निश्चित रूप सूं म्हे सगळां लोगां री प्राथमिकता है।