केंद्रीय संचार ब्यूरो री ओर ऊं सवाईमाधोपुर ज़िला रा कुतलपुरा जाटान मांय जीएसटी बचत उत्सव अर पोषण महीना रा बारा मांय जाग जगावण सारू खास कार्यक्रम राख्यी ज्यो। ईं दौरान विद्यार्थियां अर जनता ने जाणकारी देवण सारू जागरुकता रैली, संगोष्ठी, प्रदर्शनी, चित्रकला, पोस्टर होड़ अर सवाल-जवाब री होड़ राख्यी ज्यी। ब्यूरो रा प्रभारी नेमीचंद मीणा केंद्र सरकार कानी ऊं चलायी जा रही जनता रा भला री योजनावां री जाणकारी दीनी। कार्यक्रम रे दौरान आंगनबाड़ी कार्यकर्तावां री ओर ऊं पौष्टिक आहार प्रदर्शनी लगायी ज्यी। जोधपुर मांय ई केंद्रीय संचार ब्यूरो री ओर ऊं पीपाड़ री सरकारी स्कूल मांय स्वस्थ नारी-सशक्त परिवार अर जीएसटी बचत उत्सव रा बारा मांय जाणकारी देवण रो कार्यक्रम राख्यी ज्यो।