केंद्रीय वित्त मंत्री निर्मला सीतारमन गुरूवार ने उदयपुर पधारी। दो दिन रा दौरा रा पहला दिन वे आज पश्चिम अर मध्य क्षेत्र रा क्षेत्रीय ग्रामीण बैंकां रा अहलकारां सागे मीटिंग कीनी अर स्मॉल इंडस्ट्रीज डवलपमेंट बैंक रा दफ्तर रो दौरो कीनो। ग्रामीण बैंकां रा अहलकारां सागे मीटिंग मांय बैंकिंग हलका मांय आ रही चुनौतियां रो सामो करण सारू कार्य योजना बणावण रा बारा मांय चर्चा करी ज्यी। वे बैंकां रा अहलकारां ऊं तालमेल सागे काम कर र सरकार री योजनावां रो फायदो जानता तांई पूगावण बाबत् कह्यो।