केंद्रीय मंत्रिमंडल री माली मामलां री समिति 24 हजार 634 करोड़ रुप्या रा खर्च वाळी चार रेल परियोजनावां ने मंजूरी दीनी है। मंगलवार ने नई दिल्ली मांय व्ही कैबिनेट री मीटिंग पाछे सूचना अर प्रसारण मंत्री अश्विनी वैष्णव खबरनवीसां ने आ जाणकारी दीनी। वे बतायो के अ परियोजनावां महाराष्ट्र, मध्य प्रदेश, गुजरात अर छत्तीसगढ़ रा 18 ज़िलां मांय चलायी जावेला। वे कह्यो के इण ऊं रेलवे रो मौजूदा नेटवर्क करीब 894 किलोमीटर बढ़ जावेला।