केंद्रीय गृहमंत्री अमित शाह रो थावर ने राजस्थान पुलिस मांय नुवा नौकरी लाग्या दस हजार सिपाहियां ने नौकरी रा कागज़ात सूंपण रो कार्यक्रम है। पुलिस महानिदेशक राजीव शर्मा आज जयपुर मांय चाल रह्या राज्य स्तर रा पुलिस सम्मेलन रा दूजा दिन खबरनवीसां सागे बातचीत रे दौरान आ जाणकारी दीनी। वे बतायो के सम्मेलन मांय साइबर अपराधां ने रोकण अर मोटा आयोजनां रा प्रबंध सरीखा मुद्दां माथे जाणकारियां दीरीजी। श्री शर्मा बतायो के नौजवानां ने पुलिस रा काम करण रा तरीका री जाणकारी देवण सारू वां ने पुलिस थाणां रो दौरो करायो जावेला। ईं बीचे मुख्यमंत्री भजन लाल शर्मा शुक्रवार ने राजस्थान पुलिस एकेडमी रो दौरो कर र थावर ने व्हेवण वाळा नव आरक्षक नियुक्ति समारोह री तैयारियां रो जायजो लीनो अर जरूरी हुकम दीना।