कृषि मंत्री डॉक्टर किरोड़ी लाल मीणा कयो है के अबार राज्य मांय यूरिया री कमी नी है। राज्य सरकार कानी ऊं बरोबर केंद्र सरकार रे साथे तालमेल बणा र प्रदेश री मांग मुजब खाद री सप्लाई करवाई जावे। शुक्रवार ने एक बयान काढतां श्री मीना कयो के राज्य सरकार अर कृषि महकमा कानी ऊं उर्वरकां री रोज निगरानी राखता कम मौजूदगी अर बत्ती खपत वाळां जिलां अर ब्लॉक ने चांकने प्राथमिकता रे साथे सप्लाई करवाई जावे। खाद री काळाबाजारी अर जमाखोरी रोकण सारू महकमा रा अहलकार पूरी सावचेती रे साथे काम करे अर खाद रा गैर-कानूनी भण्डारण, काळाबाजारी अर यूरिया डाइवर्जन रा मामलां मांय समुचित कार्यवाही करी जावे। कृषि मंत्री बतायो के खाद मिलणो तैय करण सारू सियाळू 2025 सारू दिसम्बर तांई 11 लाख 34 हजार मीट्रिक टन यूरिया री मांग नी बनीस्पत अजे तांई 14 लाख 10 हजार मीट्रिक टन यूरिया दिरवायो जा चुक्यो है। अबार मांय राज्य मांय 1 लाख 19 हजार मीट्रिक टन यूरिया स्टॉक मांय मौजूद है।