कृषि मंत्री डॉ. किरोड़ी लाल मीणा कह्यो है के राज्य मांय किसानां सारू खाद री कोई कमी नी है अर इण री पूर्ति लगातार करी जा रही है। वे शुक्रवार ने जयपुर मांय खबरनवीसां सागे बातचीत कर रह्या हा। कृषि मंत्री कह्यो के खाद री कमी वाळा ब्लॉक अर ज़िलां री पिछाण कर र वठे तुरत पूर्ति करी जा रही है। खाद ने गैर कानूनी तरीका ऊँ भेळो करण अर यूरिया डायवर्जन रा मामलां मांय राज्य मांय हाल तांई पुलिस मांय तीस रपट दर्ज करायी जा चुकी है। आ कार्यवाही श्रीगंगानगर, टोंक, अलवर अर नागौर समेत केई ज़िलां मांय करी ज्यी। मंत्री बतायो के ईं बगत राज्य मांय 1 लाख 67 हज़ार मीट्रिक टन यूरिया अर 66 हज़ार मीट्रिक टन डीएपी रो स्टॉक मौजूद है।