कृषि मंत्री किरोड़ी लाल मीणा राजस्थान लोक सेवा आयोग-आरपीएससी मांय मोटा पैमाना माथे धांधली व्हेवण रो आरोप लगायो है। वे कह्यो के आर.ए.एस. भर्ती परीक्षा-2018 मांय आयोग रा केई सदस्यां री भूमिका शंका रा घेरा मांय रही। शुक्रवार ने जयपुर मांय खबरनवीसां सागे बातचीत करता थकां कृषि मंत्री कह्यो के राज्य मांय कुछ लोग गैर कानूनी साधनां रे जरिये प्रशासनिक अहलकार बण ग्या, ज्यां री जांच कर र वां ने नौकरी ऊं निकाळ्या जावणा चाहिजे। श्री मीणा कह्यो के प्रदेश मांय लारला दिनां घटिया अर अमानक खाद-बीज अर कीड़ा मारण री दवाइयां बणावण वाळी कंपनियां माथे मारी ज्या छापां ऊं जुड़्या मामलां मांय 62 एफआईआर दर्ज करायी ज्यी।