देश सारू जान निछावर कर देवण वाळा बहादुर फौजियां ने थावर ने करगिल विजय दिवस री 26वीं वर्षगांठ रे मौके सिरधा भाव सागे याद कर्या जा रह्या है। रक्षा मंत्री राजनाथ सिंह कारगिल री लड़ाई मांय शहीद व्ह्या फौजियां ने थावर ने करगिल विजय दिवस रे मौके नई दिल्ली रा राष्ट्रीय समर स्मारक माथे सिरधा भाव सागे याद कीना। लद्दाख रा द्रास मांय करगिल युद्ध स्मारक माथे खास जळसो राख्यी ज्यो। इण मांय खेल मंत्री मनसुख मांडविया अर रक्षा राज्य मंत्री संजय सेठ फूल चढ़ा र शहीदां ने याद कीना। प्रदेश मांय ई न्यारा-न्यारा कार्यक्रमां रे ज़रिये वां वीर योद्धावां ने नमन कर्यो जा रह्यो है जो करगिल री लड़ाई मांय देश सारू प्राणां री बाज़ी लगा दीनी ही। भीलवाड़ा अर चूरू मांय ईं मौके खूनदान शिविर लगायी ज्या। बाड़मेर मांय युद्ध स्मारक माथे शहीदां ने सिरधा रा फूल चढ़ा र याद करी ज्या अर वीरांगनावां अर वां रा पिरवार वाळां रो मान करी ज्यो। इंर् मौके बारां मांय दो दिन री हथियारां री प्रदर्शनी लगायी ज्यी है। करगिल विजय दिवस रे मौके जोधपुर मांय ईं ऐतिहासिक लड़ाई रो रोमांचकारी जीवन पुनः रे जरिये दरसाव करी ज्यो। इण मांय एनसीसी रा 800 कैडेट्स अर स्काउट गाइड्स भारत रा फौजियां री भूमिका निभाई। कोटपूतली-बहरोड़, पाली, जोधपुर अर सवाईमाधोपुर समेत न्यारी-न्यारी ठौड़ां करगिल शहीदां री याद मांय खास कार्यक्रम राख्यी ज्या।