ऑपरेशन सिंदूर री कामयाबी अर सशस्त्र बलां ने नमन करण सारू प्रदेश मांय न्यारी-न्यारी ठोड़ां तिरंगा यात्रावां निकाळी जा रही है। सवाईमाधोपुर ज़िला री खंडार तहसील मांय निकाळी ज्यी तिरंगा यात्रा माथे न्यारी-न्यारी ठौड़ां फूलां री बरसात करी ज्यी। पाली मांय ई फौजियां रा मान मांय महिलावां री ओर ऊं सिंदूर यात्रा कार्यक्रम राख्यी ज्यो। जवानां री हिम्मत ने नमन करता थकां भरतपुर मांय खून दान शिविर लगायी ज्यो, जिण मांय वीरांगनावां ई सिरकत कीनी। जयपुर मांय आज महिलावां री ओर ऊं सिंदूर यात्रा निकाळी जा रही है। इण मांय मुख्यमंत्री भजन लाल शर्मा, उप मुख्यमंत्री दीया कुमारी अर जयपुर री सांसद मंजू शर्मा समेत मोटी तादाद मांय सिरकत कीनी। ईं मौके श्री शर्मा कह्यो के ऑपरेशन सिंदूर रे ज़रिये भारत री फौज री दक्षता पूरी दुनिया देखी है।