ऊर्जा मंत्री हीरालाल नागर कह्यो कि राज्य सरकार प्रदेश री जरूरतां ने ध्यान मांय रखता थकां ऊर्जा उत्पादन बधाणे सूं ले र प्रसारण तंत्र ने मजबूत बणाणे री दिशा मांय काम कर री है। कोटा मांय पत्रकारां सूं बातचीत करता थकां श्री नागर कह्यो के मौजूदा सरकार विरासत मांय जर्जर बिजली तंत्र मिल्यो जका ने वे दुरूस्त कर्यो है। श्री नागर कह्यो कि नुवां टैरिफ मांय सगळा विद्युत उपभोक्तावां ने वां री श्रेणी रे मुजब विद्युत शुल्क सूं कमती 35 पीसा सूं 80 पीसा तांई प्रति यूनिट री राहत दी है। वणा कह्यो की डिस्कॉम रे 25 बरस रा इतिहास मांय ओ पैलो मौके है जदे ऊर्जा शुल्क मांय छूट दी है।