ऊर्जा मंत्री हीरालाल नागर बिजली रा ग्राहकां री जरूरतां ने ध्यान राखता थकां स्मार्ट मीटर री जरूरत माथे जोर दीनो है। वे मंगलवार ने जयपुर मांय खबरनवीसां सागे बातचीत कर रह्या हा। श्री नागर कह्यो के अ मीटर लगावण रो खर्चो केन्द्र सरकार री ओर ऊं दी जावण वाळी सब्सिडी अर डिस्कॉम री रकम ऊं निकाळ्यो जावेला। वे कह्यो के अ मीटर लगावण रो खर्चो ग्राहकां ने नी देवणो व्हेला। श्री नागर कांग्रेस माथे स्मार्ट मीटर ऊं जुड़ी सियासत करण रो आरोप मांड्यो। वे कह्यो के राज्य री लारली कांग्रेस सरकार ही स्मार्ट मीटर लगावण री सरूआत करता थकां साढे पांच लाख स्मार्ट मीटर लगाया हा।