उप-राष्ट्रपति ओहदा सारू व्हेवण वाळा चुनाव मांय राष्ट्रीय जनतांत्रिक गठबंधन-एनडीए रा उम्मीदवार सी.पी. राधाकृष्णन बुधवार ने पर्चो दाखिल कर दीनो। ईं मौके प्रधानमंत्री नरेन्द्र मोदी, केई केन्द्रीय मंत्री अर गठबंधन रा नेता मौजूद रह्या। दूजी कानी विपख रा इंडिया गठबंधन रा उम्मीदवार सुप्रीम कोर्ट रा पेली वाळा जज बी. सुदर्शन रेड्डी रो काल पर्चो दाखिल करण रो कार्यक्रम है। उपराष्ट्रपति ओहदा सारू नामपाना दाखिल करण री काल आखिरी तारीख है। 25 अगस्त तांई नाम पाछा लिया जा सकेला। पर्चां री जांच शुक्रवार ने करी जावेला अर 9 सितम्बर ने चुनाव सारू वोट पड़ेला।